迷暈拐走話咁易 睇實拖實勿大意
【本報訊】迷暈拐走小童簡單直接，家長切記要「睇實拖實」。香港城市大學犯罪學家黎定基表示，在現實世界，拐帶小童的手法並非如電影橋段般複雜，拐子佬為免落手時小童會不斷掙扎，一般會利用哥羅芳、迷煙或將迷魂劑混入汽水，讓小童飲用將其弄暈後並迅速逃離現場，指出「用哥羅芳整暈咗（小童）之後，（拐子佬）抱住佢，啲人以為抱住小朋友」，旁人根本難以察覺。
可為小童配置距離感應器
黎續稱，在公園及遊樂場，由於多小朋友，故拐子佬容易尋找目標；其次小朋友玩到興高采烈、得意忘形，或者沒有察覺潛在危險性，加上家長、家傭未必能時刻「目及實」照顧，當小朋友不在大人視線範圍，便容易被人捉走，形容「個小朋友走出瀡滑梯，瀡完跟住畀人拎走咗都唔知啦。」現時科技發達，他建議家長可為小朋友配置距離感應器，設定當小童走出家長約三至五米範圍時，感應器會發出聲響通知家長，以提高警覺性並及時尋回子女。
防止虐待兒童會署理總幹事黃翠玲表示，家長帶小朋友出街時要「睇實拖實」，盡量不要讓小孩自己行開，保持身處在視線範圍之內。家長亦可教導子女，不要跟隨陌生人離開，被人強行拖走時要高聲呼救。
此外，鄰舍間亦要守望相助，若發現小朋友神情呆滯，同行者有異樣，要主動上前了解「問多幾句」，發覺有可疑便應立即報警求助。